Ko te mōrirorirotanga tenei kupu Ingarihi, te Alienation.
Āta whakaaro mo te kaupapa o nga pāpori ka noho ai tatou.
Ngā ahuatanga o te whakaputa rawa, tuariari mea, ngā aha e hiahia, e tino matea e tatou. Ka ahu mai ēnei mea mai te whenua, ngā taputapu mahi, ngā rawa katoa. Koinei ka whakaingoa hai ānga whakaputa.
Ko te haorawatanga tētēhi o ēnei ahuatanga ka mōrirotia ai te nuinga o tātau mai ngā rawa.
Kaore tātau e noho i rō te tinorangatiratanga, ā, te mana whakahāere tūturu o to mātau turangawaewae, ngā wāhi mahi, ngā hua mahi, to mātau ake mahi motuhake anō hoki.
E hia kē ngā take ka whakamana tūturu te tū o te minenga nei?
Ko te whakamōrirorirotanga he tino hoa o mātau nei ki Aotearoa, ā, ko tāna mate te raupatu. Ki Iuropi, i rahurahu, i tāhae ai te nuinga o ngā whenua o te marea hei whenua whanokē ia rātau, ā, te panapana, te pēhi o ngā hauhauā i ngā rautaki o ngā ahutanga o te haorawatanga .
Ki konei, mā te Māori e noho me te rautaki kē atu, hokohoko hāere o mātau kaha, o mātau pukenga mo te pei, tauwhāi hāere me rātau o te marea Pākehā tauhau ana ki Aotearoa.
Mā te haorawatanga e mokemoke ai tātau ia tātau anō.
Te noho ngōke, te ngaro tuākiri, te noho mehameha, te pouriuri, te hōhā, te pukuriri a tātau kia tātau anō hoki. Koinei ētehi hua o te tino mōrirorirotanga.
